Non obstante, a sociedade é propietaria dunha superficie adicional de 4.000 m2, situada no polígono 18, lugar de Carril, terreo resultante da separación ocasionada por un proceso de expropiación para ocupar outros 14.000 m2 polo trazado da AVE Catoira-Vilagarcía.

Dende as súas orixes a entidade está vinculada ao porto, estando en posesión de varias concesións para a realización de actividades relacionadas coa promoción da navegación deportiva e ocupando actualmente o segundo posto no baremo federativo de entidades galegas na modalidade de vela.

O principal motivo que leva ao Liceo Casino a optar á concesión para o Desenvolvemento dun Porto Deportivo nas dársenas 2 e 3 e na zona do Cavadelo é continuar con este labor ao mesmo nivel de excelencia e servizo á sociedade que ata agora.

O proxecto tamén inclúe a nova sede social da entidade, que abranguerá un pavillón multiúsos, piscina, ximnasio, spa, pista de pádel, restaurantes, salóns sociais, aparcadoiro, gardaría, etc.

A todas estas infraestruturas hai que engadir a posta en funcionamento do Centro de Tecnificación de Vela, que se sitúa na zona do Cavadelo, xusto ao lado da nova concesión do Liceo Casino, no que a entidade terá presenza no apartado de escola, por ser o Club de vela de Vilagarcía.