Neste sentido, a entidade levou a cabo nos últimos anos un proceso de profesionalización co obxectivo de que as súas actividades teñan a calidade e o rigor necesarios, e de ofrecer cada día máis actividades aos seus socios e á sociedade vilagarciana en xeral. E este proceso foi especialmente importante na sección de vela, dotándose dos mellores profesionais e do material que permite facer accesible este deporte a calquera cidadán de Vilagarcía que queira practicalo.

O afán de profesionalización, de calidade e esixencia permitiu que a sociedade conte cun xestor profesional, e que as súas actividades sexan organizadas por profesionais especializados en cada actividade, o que permite que estas non dependan das benevolencias da dedicación altruísta dos seus directivos ou colaboradores, senón que estean organizadas como calquera empresa de servizos que busca a maior satisfacción dos seus clientes.